মুখ্য পৃষ্ঠা
06/04/2515:21
"বজাৰ"
(এক)
শতিকাৰ পৰা শতিকালৈ
সময় বাগৰে ,
কবিৰ অনুভৱ এখনি সুবিশাল সমুদ্ৰৰ দৰে
কবিৰো এখনি হৃদয় আছে |
আধুনিকতাৰ বজাৰত কবিৰ হৃদয় নীলাম নহয়
কবিৰ এবুকু দুখ ,
বজাৰৰ চুকে কোনে সিচঁৰতি কৰে
কবিতা বোৰ বজাৰত নিচা হৈ জ্বলে |
(দুই)
নিষিদ্ধ গলীত নিয়ন লাইটৰ আঁৰ লৈ
এখনি কেঁচা মঙহৰ বজাৰ সন্ধ্যা বহে ,
দৰদাম হয় দেহৰ
পেতৰ ভোকত দুৰ্ভগীয়া নাৰীয়ে
দেহ বিক্ৰী কৰে |
এমুঠি ভাত পুত্ৰৰ আগত থৈ ,
দীঘলকৈ এটি হুমুনিয়াহ এৰে |
দেহত বিষাক্ত বীজাণু লৈ ,
এখন নতুন বজাৰৰ সন্ধান কৰে |
(তিনি)
গাৱঁৰ সিমুৰে এখনেই বজাৰ
য'ত কিনা বেচা হয় সুখ দুখৰ |
পিতাই এৰি যোৱা দিন ধৰি
বজাৰ খন তেনেই উকা |
সভ্যতাৰ চানেকীত বজাৰৰ মূল্য
তথৈবচ
আয়ে বিচাৰে জীয়াবলৈ আশা ,
আৰু মই মৰমৰ প্ৰতিদান |
© ৰাজু কলিতা
